TV Channel Осетия Ирыстон

Хатдзæгтæ скодтой V регионалон чемпионат «Абилимпикс»-æн







«Абилимпикс-2021»-ы архайджытæн фадат ис жюрийы уæнгтæн сæ арæхстдзинад равдисынæн. Æркасты архайджытæ сты 80-йæ. Се ппæтæн дæр се нæниздзинад у хъыгдæрд. 11 къабазæй алчидæр равзæрста йæхицæн хæстæгдæр кæцы у, ахæм. Бæлвырддæр нæ дарддæры æрмæджы.

Ренат йæ сабибонтæй фæстæмæ фидарæй зыдта, йæ цард цавæр дæсныйадимæ бабæтдзæн, уый. Автомеханик суæвын æмæ алыхуызон хæдтулгæтимæ кусын, «Абилимпикс»-ы хи бафæлварынмæ йын æххуыс кодта йæ фыд.

Йе нæниздзинад хъыгдæрд кæмæн у, уыдонæн абон ис алыхуызон ерысты æмæ æркастыты бацархайыны фадат. Ацы ран архайджытæн сæ арæхстдзинадæн аргъ кæнынц къамисы уæнгтæ. Аккаг аргъ скодтой, зæгъæм, Денгизты Дзерассæ фарон цы цымыдисаг хъуыдытæ сæххæст кодта, уымæн. Гуырысхо нæ кæнын, ацы хатт дæр уæлахиз йæ къухы кæй бафтдзæн.

Абилимпиксы архайджытæ ссардтой тыхтæ сæ цард аивынмæ. Уый та ууыл дзурыæг у, æмæ се ппæт дæр уæлахиздзаутæ кæй сты.

Æппæт куыстытæм дæр ис лæмбынæг цæстдард. Алкæмæн дæр æвæрынц æмбæлгæ бæрæггæнæн. Бæлвырд æркаст домы ирон чъириты цæттæ кæнынад. Чысыл ивддзинæдтæ дæр фæбæрг вæййынц кæронбæттæны хатдзæгтыл.

Ислам Алексеевы ныхæстæм гæсгæ, хæринаг цæттæ кæнын æппæты цымыдисагдæр нæу. Ис дзы ахæм ахуыртæ дæр, медитацигæнæн кæм ис. Лæппу фæрдгуытæй уафыны ахуырты у иунæг. Архайджытæй иннæтæй тагъдæр сарæзтæ фæрдгуытæй дидинæг.

Æмæ кæд нæ архайджытæн се ’нæниздзинад хъыгдæрд у, уæддæр сæ гæнæнтæ сты егъау. Чидæр бийынмæ хорз арæхсы, чи ныв кæнынмæ, чи та — хæринаг кæнынмæ. Региналон «Абилимпикс»-ы ис 80 архайæджы бæрц æмæ 11 къабазы. Цалдæр сахаты фæстæ эксперттæ сбæрæг кæндзысты хуыздæрты.
_________________________
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv